पछिल्लो समय शासक देखि प्रशासकहरुसम्म नियम कानुनमा कम र विचौलियाका भर पर्दैछन् । यी र यस्तै विचौलियाका पछि लाग्दा एक मन्त्रीले कुर्सी छाड्नु परेको छ ।
गत बर्ष संघीय मामिला तथा सामान्य प्रशासन मन्त्री नियुक्ति भएका थिए,राजुकमार गुप्ता । उसो त केपी शर्मा ओलीले आफ्नो क्याविनेटमा एउटै जिल्ला पर्साबाट तीन तीन जना मन्त्री बनाएका थिए । राजकुमार गुप्ता,अजय चौरासिया र प्रदीप यादव । जसमध्ये कानुनमन्त्री अजय चौरासिया र खानेपानी मन्त्री प्रदीप पनि विवादरहित छैनन् ।
७८ लाखको घुस डिल प्रकरणमा परेर मन्त्री नियुक्त भएको ठ्याक्कै बर्ष दिन पछि उनी मन्त्री पदबाट बाहिरिनु परेको छ । मन्त्री नियुक्ति भए देखि नै राजकुमार गुप्ता विवादै विवादमा तानिए ।
उनका स्वकीय सचिवका रुपमा गत स्थानीय तह निर्वाचनमा पराजित शिव पटेललाई ल्याएर सचिवालयमा राखेका थिए । पटेलले पालिकाको प्रमुख प्रशासकीय अधिकृत सरुवामा सातदेखि दश लाख डिल गरेको संवादै बाहिरिएको थियो । तर गुप्ताले ती कर्मचारीलाई आफ्नो सचिवालयबाट हटाएनन् । उल्टै प्रविधि दुरुपयोग भएको भन्दै फेस सेभिङ गरे ।
कर्मचारी सरुवामा लाखौंका दररेट तोक्ने तिनै कर्मचारीलाई अगाडि राखेर प्रधानमन्त्री केपी शर्मा ओलीलाई एक सय आठ किलोको माला पहिर्याइएको खबर कर्मचारी प्रेसले सार्वजनिक गरेको थियो । यसरी नियमसंगत हुनुपर्ने कर्मचारी सरुवामा समेत लाखका दरले रेट तोकेर सरुवा हुँदै आएको थियो संघीय मामिला तथा सामान्य प्रशासन मन्त्रालयबाट ।
उनको समयमा सबैभन्दा धेरै पेलानमा थिए,माओवादी,काँग्रेस वा अन्य दलका मेयर,अध्यक्ष रहेका स्थानीय तह । त्यहाँ प्रमुख प्रशासकीय झिक्ने,टिक्नै नदिने गरेर एमाले इत्तरका नेतृत्व रहेको स्थानीय तहलाई असफल पार्ने प्रयासमा थिए गुप्ता ।
बिज्ञापन
उनै गुप्ता एक जग्गा दलालको पछि लाग्दा आफ्नो कुर्सी गुमाउनु परेको छ । अर्थात एउटा उचाईबाट भुँइमा झर्न पुगेका छन् । एक जना उपसचिवको सरुवा मन्त्रीलाई आधा करोड घुसको डिल गरेका छन्,विचौलियाले । मालपोतको प्रमुखमा आफू अनुकुलका कर्मचारी लैजान आधा करोड घुसको प्रलोभन मन्त्रीलाई देखाउने विचौलिया हुन – सुजन लामा । उनी पोखरा,कास्कीतिरकै हुन। तत्कालीन मन्त्री रञ्जिता श्रेष्ठ भूमि व्यवस्था मन्त्री हुँदा भूमि मन्त्रालयको काममा जोडिएका उनै लामाले हो कास्कीको मालपोतको प्रमुख परिवर्तन गर्न आधा करोड बोकेर मन्त्रीको पछि–पछि लागिरहेको । लामाले आफू अनुकुलको कर्मचारी लैजानका लागि बहालवाला सामान्य प्रशासन मन्त्री राजकुमार गुप्तादेखि पूर्व भूमि व्यवस्था मन्त्री रञ्जिता श्रेष्ठसम्म प्रयोग गरेका थिए ।
बिज्ञापन
आफू अनुकुलका कर्मचारी र भूमि आयोग अध्यक्ष ल्याउन मन्त्रीसँग ७८ लाखको डिल हुनुका कारण चाहिँ भाट,राणा,शाहहुँदै थकालीहरुको नाममा कास्कीको बाटुलेचौरमा फैलिएको छ, १३५ रोपनी क्षेत्रफलमा फैलिएको लिचि बगैचा । सोही जग्गा हत्याउने योजना अनुरुप विचौलियाले आफ्नो स्वार्थ अनुरुप पूर्व मन्त्री रञ्जिता श्रेष्ठलाई प्रयोग गरिरहेका थिए,उनी भूमि मन्त्री हुँदै रञ्जिता मन्त्रीबाट हटेपछि बलराम अधिकारी मन्त्रीको रुपमा कार्यरत छन् । सोही जग्गामा आँखा गाढेको यो समूहले रञ्जिता,बलराम र गुप्तामार्फत यो प्रयास गरेका थिए ।
तर ती दलालका योजना अनुसार न त भूमि आयोगका अध्यक्ष नियुक्त हुन सक्यो न त कास्की मालपोतको प्रमुख नै परिवर्तन । घुस डिल भएको ६ महिना पछि गत असार १० मा अख्तियारमा उजुरी परेपछि सोही अडियोका कारण पार्टीभित्र र बाहिरबाटै चर्काे विरोध भए पछि मन्त्री गुप्ता पद छाड्न बाध्य भएका छन् ।
बिज्ञापन
